يا عمري الدنيا ما تسوى تنام وخاطرك زعلان
ولا بيهه شي يستاهل يخلي قلبك يعاني
اذا كان لي خاطر تبعد عنك الاحزان
فديت عيونك الحلوة ابتسم ولو على شاني
حبيبي صاير مدة اشوفك تايه وحيران
وانا والله لو شفتك حزين تزداد احزاني
انا احبك ولا ودي تعيش بدنيتك ندمان
ترى الايام محسوبه وتالي هالعمر فاني
تصدك بسمتك والله تفرح خاطري الولهان
يطير من الفرح قلبي واصير بعالم ثاني
واذا شفتك بضيق احس انا الغلطان
اعاتب نفسي بنفسي ولو ما كنت انا الجاني
غلاك بداخل عروقي ولا يوصل غلاك انسان
يمر الوقت واثبتلك غلاك اذا الله احياني
اضحي بعمري لعيونك تنام انت وانا سهران
وانادي جروحك لقلبي تجي واحد ورة الثاني
موضوع: اعشقك ومـــــــا أنساك 
السبت فبراير 12, 2011 4:06 pm
