اخاف الناس تاكل بيك....(حصري) اسامه الشاعر

ما أكدر اسولف بيك
ولا أكدر اجيب اسمك
واحجي بشخصك وطاريك
ولا اكدر اكَول اهواك
واجيب اعله الخلك طرواك
اخاف الناس تاكل بيك
تدريني احبك حيل
ياشمعه التضوي الليل
يارروحي وغرامي
وكلي هايم بيك
يفيض الروح انت
منهو العني أمنسيك
ممحله الروح
كلهه جروح
عليك تنوح
يادلة مضيف تفوح
يرشفة ماي انت
وانه مالاكيك
عوف المستحه يفلان
وعوف الباعك من سنين
وانه اليوم هالشاريك
خل عينك عَلَي للدوم
ياشتلة نبع ريحان
تزهي وماجزاهه السوم
خلك عايش ببلواي
ما احمل غيابك يوم
مسودن والجنون فنون
انت شفاي وانت الداي
بعت الناس يالمحبوب
وانت بخاطري مغليك
كلي شبيك؟؟
ببكايه الروح راح افديك
بودادك انه المفجوع
اكت روحي توالي الليل
وشاله والبكايه دموع
اكتب والحروف تثور
زالت كل ادب مرخوص
واتشلبت على الممنوع
خلص صبري ينور العين
انت ياجنس يانوع
يالبعمري تراني افديك
كلي شبيك؟؟
حطيتك صدر ديوان
ورده مفتحه بسندان
دله تفور كلهه احزان
لبت كل حجيج الكون
اطوف وشهكتي لبيك
كللي شبيك
مااكدر اسولف بيك
احاف الناس تاكل بيك

» اخاف ايصير شي بيه
» أحاجيك بصراحة جديد الشاعر علي ستار المالكي
» جديد ماجد المهندس اول الناس اشرد 2011
» الما يخدم عراقه وما يفيد الناس اسب كلمن يرشحه وصوت ينطيله
» الما يخدم عراقه وما يفيد الناس اسب كلمن يرشحه وصوت ينطيله