بالعراق العيشة صارت لاتُطاق....

بالعراق العيشة صارت لاتُطاق...
حتى شمات الهوه بيهن خطر...
بدلو جنة هلي بنار الفراق...
وعاف كل محبوب محبوبه وهجر...
وماي دجلة اصبح مُر المذاق...
والطيور تخاف تنزل على الشجر...
حتى ربك من عباده خلكَه ضاق...
والله بطل بعد مايمطر مطر...
شفت جثة طفل مابيهه ساق...
وانتحاري بروضة اطفال انتحر...
وشفت اُم ترضع ابنهه من الدموع
لان صدرهه بسبب تفجير انبتر...
والحكومة الناشدتهه بلادموع
بلا ضمير بلا سهر....
ومجلس النواب همه اشكد جبير...
لان ما أخذو رواتب هالشهر...؟؟؟؟