عل الورد لذب عتب لو مال غصنه وطاح
اعتب عل الجفوف الكطعت الورده
ولتبوس الشمس تحترك شفتك خاف
اذا ولفك شمس لتبوسه من خده
خطر 100 متر ابتعد لاتدناه
واحذر تقترب بالليل من عنده
لأن بالليل شعره والتراجي انجوم
ويطر عدنه الفجر من يَنرفع زنده
مثل شهك الجكاره الشوفتك اشتاك
مدمن والجكاره بشفتي متعوده
لا فرحه التجيني وبيهه اسلي الروح
ولا جفك اجه وباب الحزن سده
يادكتور يكدر ان بجرحي يروف
هوايه دورت.....غيرك فلا يضمده
واذا تسأل عجب ما الكه ليش دواي؟
لان يمي الجرح بس الاثر عنده
ورحت حته اشتكي وثنين اخذت اشهود
كلب مجروح خانه الجان يهواه
وعين من البواجي عليه مترمده
والقصه اطورت مو فقط قصه شوك
قصة كلب كامت تشتعل ناره
اوغدر عافوه تنهش لحمه الذياب
ومجبورا" يطالب ياخذ بثاره
كبل بيته الكلب هسه الكلب ماخوذ
تخيل عاشك ومنه خذو داره
لأن رمضان حبك قررت ماصوم
اصوما" غير يوم وانطي كفاره
موضوع: احلى الاشعار القصيره 
الجمعة نوفمبر 12, 2010 2:24 pm
